Diasabra pa mas o menos 11:55 anochi un atraco lo a tuma luga na un cas na Tanki Leendert. Ta un yamada central di polis a haya for di centro di alarma informando cu un yamada di atraco a drenta na dicho adres. Di biaha central di polis ta despacha unidadnan policial cu urgencia.
Na yegada di e prome patruyanan a topa cu un famia completo den susto. Segun e doño di cas nan ta sinta den sala y porta habri dos homber papia spaño a drenta nan cas cu un arma y cuminsa pidi pa placa. E sospechosonan tabata cara tapa un di nan a dal un homber cu e cabo di e arma den su cabes lagando e persona herida.
Un di e sospechosonan tabata bisti na flanel oranje y jeans y e otro flanel cora y jeans tambe. Debi cu e famia no tabatin placa e atracadornan a bay cu tur 5 celular di e famia y joyasnan y un cartera. Ambulance tambe a presenta unda paramedico a controla e homber herida. Recherche di atraco team tambe a presenta pa asina haci nan investigacion.
Cualkier persona cu por a wak algo iregularidad den e area entre 11:45 pa 11:55 yama tip line di Polis 11141.