UPDATE: Diadomingo atardi a drenta un melding di cu un preso a huy for di Centro di Husticia na Santa Cruz. Mesora a bati alarma, mirando cu e preso, Erick Schneider ta un preso sumamemente peligroso.
Schneider actualmente ta cera pa e asesinato di Ralph de Palm, cual caso a tuma luga dia 21 di mei 2017, dilanti di Olde Molen. El a huy for di e sitio y tabata fugitivo pa 9 dia largo, pero despues ta bin entrega su mes.
Su caso a bin dilanti, y na februari 2018 el a wordo condena na 12 aña di prizon, cual tabata mas abou di loke fiscal a pidi pe, cual tabata 14 aña.
Atrobe e ta den noticia, mirando cu den KIA el a hinca un otro preso fam Martina, pa cual e tabata deteni na Centro di Husticia na Santa Cruz.