E fuente di entrada di mas grandi pa Mexico ta bin di Mexicanonan bibando na Merca. Esaki aworaki ta bou di mira di Trump, cu a duna ordo pa traha un muraya na e frontera.
Durante su campaña, varios biaha Trump a bisa cu Mexico lo paga pa lanta e muraya. El a hasta menasa di para transferencianan for di Merca pa Mexico, si esaki nenga di paga pa traha e muraya.
Pero Presidente di Mexico, Enrique Peña Nieto ta nenga di paga pa esaki.
“Nos mester sigura e fluho normal di transferencianan”, Presidente Enrique Peña Nieto a bisa dialuna. E transferencianan aki ta di un contribucion di hopi balor pa e desaroyo nacional y ta indispensabel pa miyones di famianan Mexicano.
Tranferencianan mas sigur lo ta un punto di agenda hopi importante na momento cu e ministernan Mexicano reuni cu conseheronan di Trump na Washington.
Reunion entre Peña Nieto y Trump ta programa pa tuma luga dia 31 di Januari proximo.