FTA a tene awe, dialuna dia 12 di December su acostumbrado Rifa di Pasco. Esaki a tuma luga den Sede di FTA. Ganadonan segun e lista adhunto por in reclama nan premio na oficina di FTA, entrante mañan diamars, dia 13 di December, despues di 1’or di merdia. E premio ta un certificado cu cual por bay haci compras na Save A Lot. Pa bin busca e cerficado mester bin personalmente cu un identificacion (Rijbewijs, Paspoort of cedula).
Un apelacion special ta wordo haci na tur ganado pa tene cuenta cu lo siguiente:
*E certificado ta balido solamente pa uza na Save-a-Lot.
*E certificado ta valido te cu Januari 31, 2017.
*Si perde e certificado no por reclama un otro.
Orario pa busca e certificado ta:
Pa e siman aki entrante mañan diamars, December 14, di 1’or y mey di merdia pa 4’or y mey di atardi, y di diaranson pa diabierna di mainta 7’or y mey pa merdia 11’or y mey y di 1’or y mey pa atardi 4’or y mey.
Diabierna dia 23 di mainta 8’or y mey te cu merdia 11’or y mey.
Den e ultimo siman di aña, por pasa di diamars, December 27 te cu diahuebs December 29 di mainta 8’or y mey te cu 11’or y mey y di 1’or y mey pa atardi 4’or y mey. Diabierna dia 30 di mainta 8’or y mey te cu merdia 11’or y mey.
Entrante Januari 2017 por busca e premio entrante diamars, dia 3 di Januari te cu diabierna di mainta 8’or y mey pa 11’or y mey y di 1’or y mey pa atardi 4’or y mey.
Directiva di FTA ta felicita tur ganado y ta desea tur su miembronan un bon fin di 2016 y un bon comienso di 2017.