FTA: Ta spera cu e operador nobo di ex Aura Casino por asumi su responsabilidad cu e trahadonan

E ley cu ta na vigor dia 1 di April, 2013, caminda cu ta pasa un compania pa un doño nobo, cu e tin cu tuma e trahadonan den servicio automaticamente cu nan derechonan. Esey aparentemente tabata e bottleneck pa e compania aki, cu ta Island Gaming, maske ta menciona cu e tin cu habri na October, ta spera cu apesar cu tin un sentencia cu lo por cay no na su fabor, cual segun Hubert Dirksz, ta cay na fabor di e trahadonan, cu e lo asumi su responsabilidad e ora pa cubri e debe cu tin y ta dispuesto pa negosha pa asina ey ta mas facil pa e por carg’e. Pero cu e grupo di trahado ta haya trabao. FTA ta lamenta e situacion aki pasobra e situacion di Aura Casino ta un sabor amargo, cu ley a pasa pa proteha e trahado, pero toch ta haya companianan cu ta trata pa desvia, pasa door di e ley y probecha toch pa mantene un salario abao y mantene hendenan riba contract por ehempel, sin cu kier cumpli cu nos leynan. Ta spera cu esey no ta e caso cu ora cu sentencia cay, e rumbo bay na fabor di e trahadonan.

Dicon warda te cu 18 di October
Esaki ta pasobra no tin boluntad di e interesado cu por cierto ta consisti di Arubiano y stranhero. Esnan cu tin suficiente cen y ta na altura di ley, pero ta parce cu mas placa tin, menos interes bo tin den hende. Den e caso aki ta mustra cu e inversionista aki ta kere cu nan lo scapa di e debe cu tin cu e trahadonan aki cu den concepto di FTA no ta hopi placa, pero pa nan si e ta hopi placa y lamentablemente ta keda na nan si nan tin e boluntad pa bisa no, no mester bay corte mas, ta tuma e hendenan aki, ta paga e debe, e ora e caso ta cera y ta sigui normal cu un grupo di trahado trahando y respetando nan derechonan cual ta inclui e CAO.

Comments

comments