FTA ta e prome cu a pidi pa cuminsa cobra pa recoge sushi dia 1 di januari 2019. E minister a bisa cu ta dificil ya cu ta tempo pa cuminsa cun’e. Aworaki cu toch na final a dicidi di haya otro, esaki ta un alivio pa e pueblo. Si na December tin cualkier otro sugerencia bin of cualkier otro cambio, awo ta duna oportunidad di cualkier pensamento cu ta bay pa loke ta recoge sushi.
Ta for di 4 aña pasa cu a cuminsa sinta na mesa, semper FTA su pensamento tabata pa e prijs social cu mester pone. Y no cu e ley ariba su mes. FTA no ta bay pa e ley, ya cu esaki mester bay via parlamento.
Pa loke ta e prijs, den e posicion di FTA, loke nan ta bisa ta cu nunca por haya 100% bo tras, pa miedo di critica. FTA a haya hopi critica pero 72% di e casnan na Aruba lo paga 30 florin of menos. Un 21% di e casnan na Aruba lo paga 0, florin. Pregunta ta e ora, si esaki ta social Y FTA ta kere cu si.
Esunnan cu ta kere cu e prijsnan ta demasiado hopi, tin te cu december pa discuti e asunto aki. Pero sindicato a haci nan trabao di a propone algo. Na momento cu tin algo poni, tur hende ta wak’e. Si un hende tin un cualkier proposicion, nan por papia cu e minister libremente. Esun cu no ta contento, mester splica dicon nan no ta contento.
Pa loke ta e tarifa fiho, ta e 27, 50 florin segun Sr. Geerman di FTA a bisa cu no mester paga ya cu for di prome dia a bisa caba cu no ta paga tanten cu no bin cu’n tarifa social.