Despues di un lucha basta fuerte, trahadonan a sa di reconoce e importancia di tin un sindicato y a aproba e permanencia di FTA den e compania FCCA. A gana referendum cu 37 na fabor y 32 contra, segun presidente di e sindicato, Hubert Dirksz.
Despues di un lucha por considera, un lucha antisindical hopi fuerte, orkestra pa e compania, pero danki na e trahadonan cu a sa di wanta esaki y awor aki ta eyden y pa medio di e ley di referendum, tin cu bay negosha un CAO, cual ta e motibo cu a yega na un referendum. E unico manera pa yega na un CAO den e caso aki ta cumpliendo cu ley di referendum.
E sindicalista a sigui splica cu e punto di preocupacion ta cu e compania ta actua unilateralmente riba e trahadonan. Esey ta loke e trahadonan mes a trece padilanti y nan no kier, pasobra despues di hopi tempo cu ta eyden, parce cu e trahadonan no tin voz y ki ora nan bin cu algo dilanti, den e caso cu e sindicto a experencie, cu e trahadonan ta hopi dificil pa nan asuntonan wordo atendi debidamente cu ta haya cu cada biaha tin cu bay corte pa atende cu nan problemanan y ta lamentabel. A spera mas di e directiva di FCCA, pero ohala cu awor aki si e situacion lo bira mas trankil y mehora pa por traha manera mester ta como partnernan den e caso aki.
Pa loke ta e 32nan cu no a vota pa e referendum, Dirksz a splica cu si tin un CAO cu wordo logra, sigur loke tin actualmente, cu ta e rechtspositie regeling di e trahadonan cu a keda den un minoria, si tin esey, e ora un CAO cu supera e beneficionan cu tin den e rechtspositieregeling, esunnan cu ta keda cun’e, logicamente lo pasa over y esnan cu no kier ta cu FTA tambe lo pasa over.