Sr. Hubert Dirksz, di sindicato di Federacion di Trahadonan di Aruba, FTA ta splica cu nan tin bastante negociacionnan di CAO na varios caminda.
FTA a cuminsa haya varios miembro di e sector metal. Es decir, trahadonan cu ta traha den contratista. Den e caso aki, FTA tin contratistanan den e refineria, pero e mesun contratista aki ta traha den WEB. FTA ta haya miembronan nobo y tambe caba e.o. Oduber Contractors. Tur e CAO nan aki ta on hold. Pero den sector hotelero y bancario e negocacionnan a sigui normal.
Mester sigui e CAO nan aki di cerca, pasobra cu por haya presion di gerencia y di compania. FTA al momento ta bezig na Aruba Beach Club y pronto tambe Casa del Mar lo cuminsa. Nan tin CAO, y compania nobo manera Forensys. Nan tin Botica di Servicio, na Ling & Sons nan tin cu renegocia e CAO.
E costo di bida, segun Sr. Dirksz, a subi pero esey no ta refleha den e cifranan di CBS. motibo di esaki, segun FTA, CBS mester haci investigacion. A bin reduccion di awa y coriente, a bin cu tarifa social. Pero no e ultimo aki no a conta pa tur hende. Tin cierto hendenan cu salario abao a keda atras. Ora cu e costo di comestibel e subi den supermercado, tur hende a sinti’e. Pero esun cu ta sinti’e mas, ta esun cu no a wordo beneficia di e medida di tarifa social. Tur loke ta pasa no ta refleha den aumento di costo di bida, segun Sr. Hubert Dirksz.
E peso di e aumento di costo di bida di e comestibel, ta hopi abao. Den e index, e macuto e ta hopi abao. E no tin peso den e influencia ariba inflacion. Esey ta haci cu e trahado ta den situacion dificil, pero e doño di compania, ta mustra cu no tin inflacion. Esey ta un lucha cu FTA ta hibando. Pero splicando e compania y e trahadonan cu ta devicivo cu situacion ta dificil. Comercio tambe ta pasando den temponan dificil. Hotelnan si a bay bon, y eynan ta mas facil pa negocia. Pero otro partinan, e ta mas dificil, segun Sr. Hubert Dirksz, di sindicato FTA.