Directiva di FTA a tuma nota di un voice message cu a bin den e chatgroup di delegadonan di FTA. E mensahe aki a drenta diaranson y ta relaciona cu e marcha di ayera tardi. Esaki no a wordo haci pa FTA y ta di condena cu no ta respeta e chatgroup interno y ta mustra falta di respet pa e decision y maneho di directiva di FTA.
Na varios ocasion den prensa e presidente di e sindicato, Hubert Dirksz a declara cu tur miembro di FTA y delegadonan ta liber pa bay e marcha di diaranson si nan ta desea esey.
FTA ta conciente di e problema di criminalidad y ta pesey FTA tabata e prome organisacion cu a trece e problema aki dilanti.
FTA ta condena esun of esnan cu no sa di respeta e delegadonan cu ta esnan cu den Congreso ta dicidi kico FTA ta haci enfrenta cualkier situacion di indole nacional. Decision y maneho di Directiva di FTA ta solamente e Congreso por atende cu esaki.
Un biaha mas Directiva ta declara cu tur miembro y delegado den FTA ta liber pa dicidi pa nan mes como ciudadano conciente di nan obligacion y derechonan pa participa den e marcha of marchanan cu nan ta desea.