Pa miembro di directiva di FTA, Rudy Geerman, dicon banconan local ta pega cu nan crecemento financiero pasobra no tin inversionnan haci manera antes. Sector priva ta masha cauteloso pa inverti y nos tur sa cu economia no por crece, dependiendo solamente di Gobierno. Esey tambe ta stroba e crecemento di e pais. Esey a bin nota cu inversion grandi cu tin na Aruba cu tin na e momento aki ta di Gobierno.
Mientras cu sector priva no ta dispuesto pa inverti, no ta dispuesto pa fia placa pa inverti, e ora ey den e caso aki e banconan ta keda cu e crecemento di nan ta bira menos, segun Rudy Geerman.
Pero si e sindicato ta contento y tin un contracto di 3 aña y mey cu Bano di Caribe. Compania sa tambe kico ta e gasto di e proximo 3 aña cu consecuentemente e por reparti e gastonan pa e proximo tempo nan dilanti.
Refineria
Pa awor aki no sa si e refineria a cuminsa paga huur. E trahadonan den e caso aki no a cuminsa haya trabao ainda pa realmente mira e placa cuminsa crece. Riba papel berdad tin un reapertura di e refineria, pero den practica no ta mirando e ainda. Esaki lo bay wak’e den algun luna di tempo. Mientras tanto, acuerdo a wordo firma, pero cuanto hende realmente tin ta trahando den e refineria. Riba esey so e economia no ta crece, segun Geerman.