Keto bay criminalidad ta sigui su rumbo y esey tin tur hende preocupa. Segun presidente di FTA, Hubert Dirksz, algun tempo pasa, na comienso di aña, cu a tuma nota cu criminalidad a sigui su rumbo, manera indica. A tuma nota cu kisas e esfuersonan cu Gobierno a haci no tabata suficiente. E placa disponibel kisas no ta suficiente, apesar di un cantidad di recomendacion cu a entrega na Gobierno. Sa cu Gobierno a reuni cu Gremio Comercial y a duna recomendacion, pero sa cu esey ta tumando luga for di hopi tempo caba. Apesar dunando e informacion na gremio comercial, e situacion ta sigui bay. Cu otro palabra si kier atende e problema aki na serio, nos mester cuminsa pone prioridad, pone fondo y bin cu man duro y organisa bo mes. FTA no ta mira cu manera cu e ta bayendo, lamentablemente e ta bay yuda cu Aruba lo conoce mehoracion y tardi of tempran, manera cu e ta bayendo tin consecuencianan fatal pa Aruba, lamentablemente. E ora ey segun Dirksz, di parti di sindicatonan cu no tin un union manera mester ta, pa ta cla den esaki y si tin un preocupacion. FTA, den su proximo congreso, lo bin bek riba dje. Ta spera cu den e partidonan politico mes, unda poder ta, pasobra aparentemente si na Aruba bo pone maske cuanto protesta cu ta, un cos por haci cu e mesun polisnan kisas cu ta contra cu criminalidad ta bayendo den e direccion ey, nan mes ta bati esnan cu ta protesta.
Cu a pidi Gobierno pa duna e maneho riba esey, te awe no a haya, segun Dirksz. Ta kere cu e politiconan mester di paden, di partido, den e caso aki partijraad di cada partido y Parlamento, mester actua y pa Parlamento actua, pueblo mester pone actua. Na final, ta unda e poder ta anto. Na unda e respet pa democracia ta, unda respet pa pueblo ta. Kier laga e pueblo aki hundi cu e manera e ta bayendo,” e sindicalista a cuestiona.
Aruba ta miho cu otro pais, pero e indicacionnan cu tin no ta bon. Tin esfuerso ta wordo haci, pero si no ta suficiente para y ahusta bo maneho. Cambia bo prioridadnan. Mester di fondo, cambi’e. Tin di compronde cu tur placa of pertenencianan cu wordo confisca lo bay pa e fondo pa criminalidad, ta hopi bon, segun Dirksz.
Sinembargo, maske cu ta canando atras pa decisionnan, kier mira accion. Kisas medidanan ta wordo tuma, cu lo bay mira mas leu, logicamente e parti di criminalidad tin cu bin cu man duro, pero tambe, sin lubida e parti riba termino largo, e responsabilidad di cada un ciudadano pa preveni criminalidad cu mester atende cu e situacion social di nos pais y e situacion di educacion y nos hobennan na scol, con e situacion ey ta wordo atendi. E problema di nos hobennan, segun Dirksz. Ta spera cu seriedad ta prevalece y prioridad ta wordo tuma, asina ey lo no mester sigui discuti e asunto aki y despues lamenta of un culpa otro ora cu ta laat caba. Sa cu criminalidad lo no por elimin’e totalmente, pero na unda cu e ta bay aki si no por ta complic’e di dje, segun Dirksz.