FTA ta celebrando 55 aña di existencia. Sr. Hubert Dirksz, lider di FTA ta conta mas di kico por spera pa cu e gran celebracion aki.
FTA a wordo lanta dia 22 di juli, 1954, pa cual e aña aki FTA ta cumpli 55 aña. E dia mes ta un dia so, si mester celebra e fecha aki. Tambe tur aña tin celebracion di Dia di Obrero. Pero e aña aki, durante congreso a keda dicidi cu FTA lo cuminsa cu celebracion pa medio di weganan popular, weganan social y pret. E ta bon pa trece e miembronan hunto. Tin un wega di Mens Erger Je Niet, cu ta cuminsa dia 13 di Februari, na Centro di Bario Brazil. Y e actividadnan lo termina dia 12 di april na Centro di Bario Brazil.
Lo tin un apertura grandi, sperando cu tur compania cu tin miembro na FTA, cu nan por bin participa y nan tin un lista di nomber, cu por bin participa. E prome anochi, ademas di desfile, lo tin tambe e parti di weganan. Lo tin dos wega, di cuater team. E ta un wega masha gusta den comunidad. Y pa e miembronan esaki lo conta hopi, ya cu no solamente den momentonan dificil di pleito, lucha, CAO, protesta cu otro, cu e gerencianan cu kende e relacion no tur ora ta facil. Ta momento pa bin hunto, mirando cu 55 aña no ta cualkier cos. Lo ta bay tin mas actividadnan, manera p.e. caminata y cu te aworaki ta programa prome cu dia di obrero y kisas tambe despues di e Dia di Obrero.
E weganan aki ta exigi hopi, p’esey FTA ta aprecia di parti di nan directiva y nan congreso, a haya hendenan interesa, manera Sr. Roland Hoek, cu a tuma ariba su schouder, hunto cu e apoyo di parti di administracion di FTA, pa por logra haya un bon actividad y cu participacion di mas tanto posibel.
Entrada ta gratis pa tur hende, tur miembro di prensa ta bon bini pa cubri e evento aki. Esaki ta importante pa FTA ya cu e ta un necesidad di e clase trahado, ya cu no mester lubida, cu sindicato kiermen, trahadonan uni. Trahadonan organisa y pa ta uni, bo mester por sinti bon cu otro. Y esey kiermen actividad social por trece tur hunto. Esey ta e meta di e actividad, pa trece tur hende hunto den un wega di hopi diberticion y haci esaki parti di e celebracion di 55 aña di FTA.