FTA lo tene su ultimo Congreso Extra Ordinario pa loke ta 2016 riba diamars y diaranson, dianan 1 y 2 di November. E congreso aki lo tuma luga na sede di FTA, cuminsando pa 8’or di mainta te cu 4’or y mey dia tardi.
Tur Shopsteward lo wordo convoca pa atende e Congreso Extra Ordinari aki, den cual lo trata e desaroyonan den nos Comunidad y tambe den e organisacion FTA mes. Hopi cambio a y lo tumal uga cualnan mester di nos atencion. Tambe lo trata e plannan pa 2017 cu e presupuesto.
Directiva di FTA lo haci un fuerte apelacion na tur delegado pa “follow up” na pia di trabao pa asina garantisa nan presencia.
Directiva di FTA ta conta cu e presencia di e delegadonan pa asina e ultimo Congreso pa 2016 por ta un exito.