Diabierna ultimo, Minister di Labor a haci un yamada na tur sindicato pa nan haya otro ariba un proposicion cu nan kier a presenta, pa un structura di un dialogo tripartiet.
Ta di compronde cu e preparacionnan mester tuma luga tanto pa prepara pa e reaccion di parti di sindicatonan como tambe di parti di gremionan sindical. Diabierna esey a tuma luga. Di sindicatonan, tabata tin solamente 3 of 4 presente. Algun di e sindicatonan tabata tin nan motibonan pa no ta presente.
Ministerio di Labor a presenta un structura, caminda cu manera cu ILO ta defini, cu e dialogo tripartiet lo mester tuma luga. FTA ta haya esaki algo bon, e manera cu e ta cu secretariado, cu su comision tecnico, etc. cu gobierno ta bay hunga un rol grandi den esaki. E ta un structura manera ILO ta pone, e ta na su luga. Awo ta keda na nombra kendenan lo bay representa e sindicatonan den e structura aki. E ta bay ta un structura balansa, cu representacion balansa di tanto di gobierno, di dunado di trabao y tambe di e sindicatonan. FTA ta spera cu uno, no solamente ta bira realidad, pero tambe e preparacion cu ta tuma luga di e gremionan, ariba un nivel, cu manera cu bo atende un punto di dialogo, cu pa FTA, e lista a bira masha grandi mes, y esaki ta conta tambe pa gobierno y pa gremio sindical. Tin masha puntonan cu mester wordo atendi y ta necesario e ora pa ta bon prepara pa atende esakinan den un dialogo.
PUNTONAN CRUCIAL
E puntonan no a wordo treci dilanti. No a discuti ariba nan. Di parti FTA tin un lista, cu tur e puntonan ariba diferente aspecto. Esun cu ta preocupa mas hopi ta e parti di finanza publico y tambe e situacion social cu keto bay ta keda un problema. Y e situacion di criminalidad cu ta keda un problema. FTA ta wak e puntonan aki, cu si ta papia di e situacion social ta relaciona cu parti financiero, ta e poder di compra. Y si wak e parti di criminalidad tambe ta relaciona cu e situacion di infrastructura y e propio cuerponan cu mester atende cu esaki, cu ta polis y Douane cu tin cu atende cu criminalidad . FTA a bin ta reuniendo caba cu diferente ministernan. pero den un dialogo, ainda esey no ta e caso. Pero mirando e situacion, mas pronto posibel si esaki no wordo discuti na nivel di structura cu minister di Labor a presenta, e puntonan aki si mester wordo discuti si, vooral e aparato gubernamental vooral e sitaucion financiero, entre e partidonan.
DIALOGO
Esaki ta pa discuti e posicion di e stakeholdernan, cu tin un base amplio (draagvlak). Pero no mester lubida cu e decision ta keda uno politico, unda parlamento cu gobierno mester tuma decision. Pero si tin un punto cu bo ta bay trece dilanti, un maneho basa ariba un discusion tripartiet, cu’n base amplio, esey ta mustra cu bo tin un miho decision cu tur hende ta di acuerdo cun’e. Pero na final, ta e politico tin cu tuma un decision. No e gremionan.