Diadomingo ultimo, (FSTT) Fundacion Social di Trahadornan den Telecomunicacion hunto cu coleganan di Setar a bini hunto pa un “food drive effort” pa Sint Maarten. A prepara 101 caha di articulonan basico cu via Cruz Cora Aruba a manda pa Sint Maarten.
E coleganan di SETAR a haci un colecta y a cumpra e articulonan pa prepara e cahanan di prome auxilio. E ta di admira cu danki na e cooperacion di tur colega boluntario y coleganan cu a haci nan donacion special pa por logra e proyecto bunita aki. Un danki ta bay tambe na Setar NV y Save a Lot pa nan tremendo cooperacion y donation.
E siguiente dia, dialuna dia 18 di september e coleganan di SETAR a entrega e cahanan di cuminda na Cruz Cora Aruba pa nan wordo manda pa nos hermana isla St. Maarten.
Directiva di FSTT ta yama danki na e team di Setar y tur coleganan cu a yuda den esaki. Adhunto algun potret na momento cu a caba traha e cahanan y a entreganan na Cruz Cora Aruba.