Director di Aruba Investment Bank, Frendsel Giel, kende ta encarga cu e parti financiero di e proyecto di edificio di hospital, a splica cu e edificio ta 55% cla.
Hospital a tuma e iniciativa aki, mirando cu nan ta logra un milestone den entrega di haci uzo di un di e prome edificionan cu a wordo entrega den e proyecto aki den cantidad di edificio cu tin cu wordo entrega y ta sumamente contento cu e ocasion aki. Gradualmente lo mira un transformacion di e proyecto di hospital. Den e caso aki ta toca mas na hospital cu e banco. E banco ta financia e edificionan, pa e contratistanan y tur esnan cu a duna compromiso pa nan cumpli cu esaki cabalmente y awor aki ta den un forma di cooperacion trahando hunto cu e ekipo di hospital pa asina logra cu e proyecto aki wordo realisa den e terminonan necesario, pero tambe den e presupuesto acorda cu otro.
Naturalmente den un construccion asina grandi, no semper tur cos ta bay bon of lo bay bon, pasobra semper ora ta regarda punto di bista, ningun hende ta rasona riba e mesun caminda. Den e caso ey tin cu tene otro su punto di bista na cuenta, ta traha hunto cu otro, pero finalmente ta e producto final ta conta y ta contento pa alcansa e prome parti di dje, mirando tur e acontecimentonan aki.
Giel a splica tambe di e avansa di e construccion di hospital. Segun cifranan ta menciona, e ta riba 55% cla, manera ya menciona. Esey ta nifica cu di e suma di construccion a saca 99.5 miyon florin caba pa loke ta pago di construccion y esey ta mira claramente e avanse poni riba e edificionan. Por mira e medical office building entrega. Tambe a mira e warehouse cu a tuma den uzo caba y ta spera cu pronto lo bin e planta di energia central, unda cu esey tambe lo bin pronto pa wordo entrega. Ta mira cu tin un avanse den dje. Ta spera cu pronto por cuminsa desaroya e salanan di operacion nobo, cual ta un State of The Art. Hospital semper ta percura pa duna specificacion unda nan tin necesidad y AIB ta zorg pa esaki wordo elabora, diseña, financia y ehecuta cabalmente.
Den cuadro eynan por bisa tambe cu ta traha sumamente bon, bayendo padilanti, segun Frendsel Giel.