Fraude fiscal ta causa Union Europeo 50 biyon euro anualmente

Miembronan di Union Europeo pa aña ta hiba un perdida di 50 biyon euro door di fraude fiscal. Entre otro, trampa ta wordo haci cu ‘greencertificate’ y otro productonan di energia como tambe servicionan digital manera aplicacion, wega y servicion di video. Tur esaki segun e plataforma di investigacion Follow the Money (FTM).
Mas di 60 periodista di e 28 miembronan di Union Europeo, Suiza y Noruega a informa ariba e carousel di btw aki.

Pa promove e comercio entre e paisnan di UE, a tuma e decision di no impone btw riba e comercio entre empresanan di diferente estadonan miembro di UE. E ‘tasa cero’ ta permiti estafadornan di cumpra productonan den un otro pais sin paga belasting y bende esaki incluyendo belasting den su mesun pais. Pero e cumprado ta reclama e belasting paga na autoridadnan fiscal. Como resultado, tesoreria (caha di gobierno) ta perde hopi placa.

Eticamente inaceptabel
“Placa di e pagado di belasting ta bay perdi, e trampa aki ta moral y eticamente inaceptabel”, segun e comisario Europeo Moscovici den un entrevista cu ZDF. E canal di television ta un di e participantenan den e proyecto di investigacion aki.
Pa varios aña caba tin sospecho di fraude cu belasting ta costa e paisnan biyones di euro, pero e problemas, segun FTM, ta cu esaki apenas ta wordo aborda door di falta di boluntad politico y falta di interes pa traha hunto.

Toch e Comision Europeo kier bin cu’n sistema pa lucha contra fraude. E nultarief lo wordo incorpora den e sistema aki; paisnan lo cobra y paga belasting. Pero expertonan ta duda cu e maneho aki lo funciona.

Comments

comments