Inspector di Enseñansa a manda un carta na e diferente directivanan di MAVO Scholen, SKOA, SPCOA y tambe DPS, caminda cu a pone nan na altura di un fraude cu a tuma luga pa loke ta examen di aardrijkskunde
Den e carta aki e ta splica cu riba e fecha, esta dialuna, dia 10 di April, por a tuma nota di e SE Aardrijkskunde riba Facebook. Tambe parce cu varios di e candidatonan di examen tabata tin e examen aki den nan posicion. Ta imposibel pa saca awo cua di e candidatonan tabata sa di e examen y cua no y pa e motibo aki a anula e examen.
E examen di aardrijkskunde mester wordo haci di nobo pa tur candidato cu tin e materia aki den nan perfil. E examen aki lo tuma luga dia 25 di April, pa 8’or y mey di mainta.
Den e carta aki tambe e inspector ta pidi atencion pa e problematica y tambe ta mustra nan riba nan responsabilidad pa secrecia y e calidad di e examennan di scol.