Recientemente Aruba Lions Club a instala como miembro nobo den nan famia Leonistico sr. Franklin Philip Richardson como miembro nobo di e club. Despues di a asisti na varios reunion y actividad di e club sr. Franklin Richardson a acepta e reto pa bira miembro di Aruba Lions Club pa asina cuminsa su carera den e mundo di service club y trabounan voluntario pa di e club pa comunidad Arubano.
Sr. Richardson ta hopi activo den su bario di Dakota y ta desde 2011 cabesante di Fatima College na Dakota . Sr. Richardson ta docente di scol desde 2004 despues di a cuminsa su carera na Puis X Dakota, tambe a traha na EPB Oranjestad. Sr. Richardson ta miembro comision Voz Y Landia Escolar y ta activo den parokia di Dakota como miembro di Ann`s choir ,miembro OCEB hoofdenberaad. Sr.Richarson ta casa cu juffrouw Elsa Richardson-Rincones y ta tata di tres yiu.
Aruba Lions ta yama sr. Franklin Richardson bon bini y ta desea su persona hopi exito den trabounan Leonistico pa e comunidad Arubano .