Recientemente e Hunta di Comisario di Utilities Aruba N.V. a laga haci un investigacion door di un Register Accountant ariba e maneho cu a ser hiba pa Utilities Aruba NV durante e periodo di 2010 te cu 2017. For di e investigacion aki a resulta un kiebro ireparabel di e confiansa di tanto e Hunta di Comisario y e accionista, den e director.

Den cuadro di esaki, diamars, 8 di januari 2019, a tuma luga un reunion extraordinario di e Hunta di Accionista, caminda cu e director tambe tabata presente. Despues di a scucha e director, e Hunta di Accionista a tuma e decision pa kita e director, Sr. Franklin A. Hoevertsz, for di su posicion como director statutorio. Alabes e Hunta di Comisario a nombra Sr. Richard Eman como e persona cu lo ta encarga cu e maneho di Utilities Aruba NV temporalmente. Esaki segun statutonan di Utilities Aruba N.V.

Comments

comments