PARIS, Francia- E minister Frances di Medio Ambiente (Transicion Ecologico na Francia), Nicolas Hulot, dialuna a anuncia cu su pais lo cera te cu 17 reactor nuclear prome cu 2025, pa cumpli cu e obhetivo di baha te cu 50% e componente atomico ora di genera electricidad.
“Tur hende tin cu compronde cu pa alcansa e obhetivo aki, lo bay cera un cantidad di reactornan, kisas te cu 17. Esey ainda mester wordo palabra”, segun e minister den un entrevista.
Hulot a reitera cu pa alcansa e obhetivo marca pa e ley di transicion energetico, “na medida cu nos ta baha nos consumo y ta diversifica nos produccion, nos lo cera un cierto cantidad di reactornan”.
A pesar di esey, el a recorda e “situacion economico, social y incluso di siguridad hopi diferente” di cada central, cu cual lo mester tene na cuenta na momento di planifica e ceramento. Diahuebs 7 di Juli ultimo, e responsabel Frances di Ecologia a presenta un plan climatico ambicioso pa e aniversario, cu ta inclui e prohibicion pa bende auto cu ta uza gasoline of diesel desde 2040. Den caso di carbon, Francia lo stop di produci coriente cu e combustibel fosil aki, “di awo pa 2022”, cual ta nifica e cierre di centralnan cu awo ta aporta na un 5% di e total.
Riba tereno di energia renovabel, e titular di Transicion Energetico a marca e obhetivo di subi su peso relativo na 32% na 2030.
En el terreno de las energías renovables, el titular de la Transición Energética se marcó el objetivo de subir su peso relativo al 32% en 2030.
Francia ta ocupa e di dos luga mundial, tras di Merca pa e cantidad di energia nuclear y prome den densidad di poblacion. EDF ta e compania nacional di electricidad y e prome productor di energia electrico di origen nuclear.
Na Francia tin un total di 19 central nuclear cu un total di 58 reactor nuclear. Entre nan ta existi un distancia maximo di 600 km y esakinan ta keda na menos di 1 km di viviendanan.
Fuente: www.lainformacion.com