Un di e torennan di e famoso catedral di Ruan, den nort di Francia, a cende na candela diahuebs, segun e medionan local. Ta trata di un di e catedralnan Gotico mas halto di mundo.
Autoridad di e ciudad ta indica cu te asina leu no a registra victima y ta evacuando e luga. Polis municipal a pidi e bisiñanan di e zona cercano n’e edificio pa respeta e perimetro di siguridad estableci.
Segun e informenan, debi n’e trabaonan cu ta tumando luga den e catedral, e toren tabatin varios siman protehi pa un luna blanco grandi. Aparentemente, e candela a cuminsa n’e luga di e trabao.
[video_player file=”https://masnoticia.com/wp-content/uploads/2024/07/ssstwitter.com_1720695432237.mp4″]
Desde 2016, e catedral di Ruan ta obheto di un proyecto importante di restauracion. Actualmente e ta den e di cinco di e shete fasenan di e trabao, cu ta concentra riba un di e partinan mas halto di e toren, di mas di shen meter di haltura. E obhetivo ta pa duna e toren su aspecto original, manera e tabata tempo el a wordo añadi n’e edifico durante siglonan XII-XIV.
