Francia a anuncia un Toque de Queda cu lo cuminsa 6 PM den henter e pais for di diasabra awor

E Prome Minister Frances, Jean Castex, a anuncia Diahuebs cu e Toque de Queda -imponi pa purba mitiga e avance di COVID-19- lo drenta na vigor den henter e pais pa 6 PM.
Di e manera aki e medida, cu tabata na vigor for di dia 2 di januari den 15 departamento di e parti zuid y oost, lo amplia na henter e nacion durante por lo menos 2 siman, segun Castex a duna di conoce den un conferencia di prensa.

Tambe, e funcionario a indica cu lo exigi tur biahero stranhero cu yega e pais pa presenta test no mas bieu cu 72 ora. Hendenan cu yega Francia tambe lo tin di bay den cuarentena durante un periodo di 7 dia y despues di e plazo aki lo mester tuma otro test di COVID-19.
Castex a bisa cu e aumento drastico di contagio durante vakantie di fin di aña, cu tanto tabata teme, no a keda produci manera a premira. Pero tambe el a bisa cu tin e posibilidad ainda pa bin cu otro lockdown, si e situacion sanitario deteriora gravemente. E situacion na Francia ta “bou control”, e Prome Minister a duna di conoce, pero e ta sigui “fragil”.

Comments

comments