CIUDAD DI VATICANO, Vaticano- Vaticano a informa riba e hayasgo di “fragmentonan di wesonan humano” den un local anexo di e Nunciatura Apostolico na Italia. Esaki a wordo informa na autoridadnan Italiano pa nan cuminsa cu’n investigacion, EFE a informa.
Den un comunicado Vaticano a splica cu “durante labornan di restructuracion di un local anexo cu e Nunciatura Apostolico situa na Roma, Italia, den e Via Po 27, a haya algun fragmento di wesonan humano”.
E nota ta subraya cu ” Gendarmeria Vaticana a bay di biaha na e sitio, informando e hefenan na Santa Sede”, cu na su turno a alerta “autoridadnan Italiano pa e desaroyo di e investigacion apropia y e colaboracion necesario den e asunto”.
Fiscal di Roma, Giuseppe Pignatone, a pidi polis Cientifico y polis di Roma pa investiga edad, sexo y fecha di fayecimento.
Vaticano no a duna mas detaye di e suceso.