FPNM: Kisas mester haci mas uzo di social media pa hiba informacion na mayornan

Natasha Gilkes ta presidente di Fundacion pa Nos Muchanan. Un Fundacion cu tin 30 aña di existencia y cu ta enfrenta un mundo diferente cu na su inicio. Un mundo yen di retonan.

Dia 12 di juni, 1991, e fundacion a mira luz di dia cu e meta principal di eleva e conocemento y calidad di centronan di mucha. Ta haci esaki por medio di ofrece nan guia por medio di curso y seminarionan, Tambe nan tin un publicacion cu yama Simia, via cual ta suministra informacion na tur esnan cu ta traha den e ramo di cuido di muchanan.

Un di nan metanan tambe ta pa yuda mayornan cu tin yiu di entre cero pa 12 aña y lidernan riba diferente terreno cu ta atende cu muchanan di e edad ariba menciona.

E fundacion ta traha pa trece cierto cambionan den comunidad. Sinembargo ta constata cu ainda tin cierto prblemanan. Cada biaha como organisacion ta evalua pa mira cual ta e necesidadnan y kico por haci hunto cu otronan pa trece un miho solucion. Por ehempel door di e pandemia, e fundacion mester a restructura e programa di aña y enfoca kico ta importante den e periodo aki. Crea un situacion miho pa mayorinan y e muchanan.

E rapport cu a laga traha cu ta titula “It takes a village to raise a child”. E encuesta tabata tabata dirigi riba e categoria di 0 pa 12 aña. E prome tres añanan di un mucha su bida ta e periodo den cual ta forma e caracter cu e lo tin pa resto di su bida. Si cuminsa forma e base firme trempan, e lo por tin su frutonan positivo pa resto di bida di mucha. A sali na cla cu e mayornan mester di mas apoyo y ta haci uzo di social media pa haya mas informacion. E ta un herment cu e fundacion tambe por uza mas pa yega cerca mas hopi mayor posibel. Na nacemento, hopi biaha e preguntanan ta riba e cuido y kisas por concentra mas riba e parti aki.

Un di e puntonan ta e preocupacion di e efecto cu COVID tin riba famia.

Den cuadro di e encuesta cu a conduci na un rapport e fundacion a organisa un encuentro cu mayornan y otro stakeholder pa papia di e rapport y con ta bay na implementa esaki.

Comments

comments