Forum voor Democratie ta resulta ganado den eleccionnan na Hulanda

DEN HAAG – Forum voor Democratie ta bira e partido mas grandi den Eerste Kamer. FVD ta haya 13 asiento. Esaki segun prognosis di ANP, despues di cu 98,5% di e total di votonan a wordo conta. VVD ta logra haya 12 asiento, manera e pronostico a indica. DENK ta perde su luga den Senado. senaat. OSF (Onafhankelijke SenaatsFractie) ta disparce for di Eerste Kamer.
CDA ta saca 9 asiento, D66 ta saca 6, PVV ta saca 5, SP ta saca 4, PVDA ta saca 7, GroenLinks ta saca 9, ChristenUnie ta saca 4, 50PLUS ta saca 2, Partij voor de Dieren ta saca 3 y SGP ta saca 1.
Esaki ta prome biaha cu Forum voor Democratie ta participa den e Provinciale Statenverkiezing.
Ta prome biaha desde e reformanan politico di 1917 cu’n nobato ta mas grandi cu e tendencianan estableci (convencional, liberal y social – democrata).

Comments

comments