CARACAS, Venezuela – Funcionarionan di Polis Nacional Bolivariano (PNB) y efectivonan di Guardia Nacional Bolivariano (GNB) a bay contra di opositornan cu tabata spera di marcha for di Plaza Venezuela te na e sede di e Asamblea Nacional pa exigi e restitucion di e hilo constitucional, despues cu e Tribunal Supremo di Husticia a emiti dos sentencia cu tabata limita e inmunidad parlamentario y a despoha e ente legislativo di nan funcion.
E forsanan di siguridad a impedi na e opositornan pa concentra riba e Plaza Venezuela, Los Cedros y avenida Libertador, unda cu nan instala contingentenan antimotin cu a lansa bomnan lagrimogeno, perdigon y gas pimienta contra e diputado y opositornan.
Tambe nan a haci presente e dispositivonan yama “la ballena” y “el rinoceronte.”
Den e confrontacion aki, opositornan – algun encapucha – a responde na e atakenan di e forsanan di siguridad cu piedra. For di e edificionan di Mision Vivienda den e avenida Libertador, nan a tira obhetonan contundente contra e manifestantenan.
E presidente di AN, Julio Borges y e diputadonan Henry Ramos Allup, Richard Blanco y Milagro Valero, a wordo afecta cu bomnan lagrimogeno y golpi.
E gobernador di Miranda, Henrique Capriles y Liliana Tintori tambe a sali afecta pa e gasnan iritante.
“Akinan mundo tin e demostracion di caracter no democratico di dictadura, di e caminda di e dictadura cu Nicolas Maduro a scoge,” Capriles a bisa y a agrega cu nan lo insisti pa yega Asamblea Nacional, unda cu tin un sesion programa pa destitui e magistradonan di TSJ.
Oranan despues, e manifestantenan a tuma e autopista Francisco Fajardo, na altura di Bello Monte. Eynan colectivonan oficialista a uza armanan di candela, heridando un persona, segun Hasler Iglesias a denuncia.
Fuente: NTN24