Website di DIMAS ta den su fase di actualisacion. Actualmente nos a upload formularionan nobo pa peticion pa permiso na e idioma Hulandes solamente. E checklist-nan na Spaño y Ingles tambe ta den proceso di actualisacion, esaki lo dura 2 luna.
E situacion aki ta trece cune cu clientenan por presenta cu formulario bieu y tambe nan lo por falta documento.
Pa e motibo aki a dicidi riba un periodo di transicion di 2 luna cu e siguiente condicion:
Clientenan por presenta cu:
1. checklist bieu na idioma Hulandes of
2. checklist nobo na idioma Hulandes of
3. checklist bieu na idioma Spaño of
4. checklist bieu na idioma Ingles.
Si despues di control door di trahador na momento di deposita ta resulta cu segun checklist bieu ta completo pero cu falta documento segun checklist nobo, DIMAS lo tuma e peticion y na mes momento e cliente lo ricibi un carta di documentonan adicional pa e cliente entrega locual cu falta den 2 siman na recepcion y asina e proceso di su peticion por sigui cana.
DIMAS ta pidi tur cliente disculpa pa e inconvinencia cu esaki ta trece cune.