Sindicato STA y su delegadonan a reuni cu bureau di minister Andin Bikker diabierna 5 di April pa discuti algun aspecto cu falta pa cu e formacion di e departamento cu lo bay carga e nomber di “Migracion Aruba”.
E reunion a bay den bon ambiente y mester bisa cu mescos cu e pensamento di minister e pais Aruba y e bienestar y protecion di e empleadonan mester ta na promer lugar y tambe na futuro mester ta sigura den e formacion nobo.Despues cu mayoria di e empmeadonan di “Guarda Nos Costa” a vota pa bay resorta bou di e departamento aki ahustacion mester a wordo haci pa locual ta e “ORGANOGRAM” cu lo mester refleha e structura berdadero di e cuerpo nobo aki.A delibera un poco tambe ariba e “bezoldigingsregeling” y tambe pa mantene e “hiérarchie” pa asina tur hende por biba y cana nan caminda sin perhudica ningun hende.STA ta contento cu tur e logronan te cu awor y ta gradici tur esnan cu di un manera of otro ta sosteniendo e lucha pa cu e formacion principalmente e empleadonan.STA ta gradici tambe e minister concerni pa su transpariencia y su pasenshi den tur e desaroyo aki y ta convenci cu ora e formacion ta cla e lo ta uno stabiel y cu miras pa futuro