Diabierna mainta na oficina di Gobernador di Aruba tabata di bishita e dos formador cu ta sr Mike Eman di AVP y sra Gerlien Croes di FUTURO.
Sra Gerlien Croes a hiba su prome palabra na prensa y a duna di conoce cu ta e prome reunion pa duna Gobernador ampliamente un bista di e desaroyonan andando den e ultimo luna y a wak cu di berdad e proceso ta tuma su tempo y esaki a bin ta comparti ultimo tempo.
Pueblo ta en espera y kier sa kico ta e siguiente maneho di nos pais y tene cuenta despues di a pasa ley di screening pa formacion di gobierno lo sigui tuma su tempo. E mas importante ta cu a comparti e partidonan a yega na un base di acuerdo e puntonan di salida ta suficiente cu tin posiblidad cu nos ta un coalicion. Ta hiba diferente dialogo, discusion y kico ta e dominio mas importante con ta bay reparti e cantidad di personanan pa maneha e pais aki. A acorda cu lo tin 7 minister y a apunta riba e reparticion y den siguiente fase lo duna esaki detayadamente.
Aruba tin hopi reto su dilanti y tin hopi oportunidad tambe y a yega momento pa conoce un gabinete cu ta bay riba e punto nr dos, a mira hopi reto ta bin ultimo aña y a lubida riba e comunidad cu mester keda inspira di nobo y esaki lo keda revlega den e gabinete aki.
Nos a bin cu pensamento moderno den reparticion y sigur ta kere tin cu atende primordialmente cu Hulanda, financiero y e pensamento cu e ciudadano. Tur dos partido nos punto di salida a papia hopi biaha den podera di nos ciudadano y nos sa cu ne momentonan aki situacion no ta facil y tin busca e oportunidad y cambia e forma con nos ta atende cu e maneho di pais y e parti financiero.
Tin un fase siguiente cu lo bay tin screening cu lo bay tuma luga, e ta un ley nobo y e instancianan cu lo hacie lo tuma tempo y como formador mes no a spera cu esaki lo bay tuma lugar. Otro simannan lo cuminsa sinta cu stakeholdersnan na mesa y trahando intensivo riba e programa di programacion cu ya caba a acorda y kier presente na comunidad.
