FAVI ta sumamente contento, di presenta un biaha mas e oportunidad di forma parti di nos evento culinario “Dare the Darkness”. E proyecto cu a haya e nomber “Dare the Darkness” a logra bira un realidad danki na Feria Social y CEDE Aruba
Dare the Darkness: Dare the Darkness ta un evento culinario unico na unda cu e invitado lo drenta den obscuridad completo y lo experiencia kiko berdaderamente e ta nifica pa no por mira nada. Meta di e evento aki ta primeramente pa concientisa nos comunidad tocante di limitacion di bista. Tambe un di metanan ta pa recauda fondonan necesario pa FAVI por cubri su gastonan operational pa e por sigui brinda su servicionan.
Dinner in the dark no ta un concepto nobo. Na diferente parti di mundo manera New York, Canada, Inglatera, esaki ta wordo ofreci. Dinner in the dark a inicia hopi tempo pasa, na momento cu un meneer di Suiza (ciego) tabata laga su invitadonan come cu wowo tapa pa nan por experiencia kiko e ta sinti. Despues di esaki diferente forma a wordo introduci rond mundo.
Dare the Darkness lo tuma luga diahuebs 5 y 6 di Juli. Prijs pa e cena aki ta costa Afl. 100, – pa persona y lo consisti di un four course dinner y unlimited premium bar. Un actividad único pa parehanan of grupo di amigo bin experiencia hunto. E cuponan ta super limita na 12 hende pa cada anochi.. Pa reserva bo lugar, tuma contacto cu FAVI mas pronto posibel, mirando cu debi na e demanda ya caba dia 6 juli ta sold out.
FAVI ta habri pa organisa e actividad aki pa gruponan chiquito of priva. Por tuma contacto cu sra. Sary Wernet pa mas informacion y pa reservacion na 5825222 of 5825051.