Relaciona cu e caso diamars mainta e barco Royal Princess a raporta di un posibel caso di asesinato a pone cu autoridadnan di biaha a warda e barco ancra pa subi esaki y yega na e sospechoso cu e personalnan di e barco tin wanta for di marduga. E turistanan cu a bati alarma e marduga ey ora e barco tabata na costa nort di Aruba no tabata sa di e dama a cay den lama of a keda den e barco mes.
Extra oficial, tur cos a cuminsa dialuna for di mainta caba PoliTur y Ambulans na Curacao mester a atende cu e pareha aki na megapier , debi cu tabata tin problema fuerte entrenan, esaki ta informe cu nos ta dispone na dje di nos coleganan na Curacao. Polis a atende bon fuerte cu e homber pa calma e situacion cu su pareha.
Pero esaki a bay for di man riba piso 16 di e barco marduga ora nan tabata riba lama. Lo a start un discusion un biaha mas unda e homber lo a pusha e dama y a cay for di halto, pero e curpa a dal riba e dak di e boto di salba bida y keda eynan e no a move bay otro banda y asina cay den lama pero a keda riba e barco. A start un buskeda grandi unda despues di basta rato a logra topa cu e curpa na e boto di salba bida banda robes di e barco. Fiscal di ministerio publico tambe tabata na e sitio pa asina duna ordo pa asina e recherchenan presente por mira e videonan di camara y mira kico tur e pareha ki a haci durante cu nan tabata riba lama te ora cu e problema a surgi cu e dama a perde su bida. Pa 3 or atardi auto funeral a presenta pa asina busca e curpa sin bida di e señora.
Kico lo a pasa cu e homber ta desconoci te na e momentonan aki.