For di 2018 ta mandando carta na DIP pero te dia di awe no a haya ningun reaccion

Dialuna mainta un grupo di persona cu tin kiosko a yama un conferencia debi cu a cana tur caminda pero no a tende oido y ta kere cu un conferencia pa duna nan banda ta bira e ultimo recurso. Ta spera cu e forma aki por haya atencion debido encarga cu e maneho y mantencion di welcome plaza, asina e señora cu a habri e conferencia a informa. Ta pidi atencion di parti DIP y minister encarga cu e departamento. Tur e tempo nos ta bou e impresion cu nos situacion no a yega na e minister su oido of no a yega cu e enfasis cu tin mester, pero cu ya caba por a haya un contesta for di su departamento y lo por a yega na un solucion. Nos intentonan pa yega na acuerdo cu DIP ta data for di mes un aña cu e welcome plaza a habri, na 2018 y tur e comerciantenan cu tin un loket na welcome plaza tin esakinan documenta. Como e asociacion di e comerciantenan di welcome plaza y individualmente a yega di manda carta personalmente na DIP y ningun di e cartanan aki no a haya contesta mes, ta trata di asuntonan cu a yega di wordo menciona y priminti y no a wordo regla. Esaki ta afectando e funcion di e plaza,e potencial cu e plaza mester tin di e prome reaccion cu e turista crucero ta haya y e turismo engeneral. Un inversion cu ta coriendo peliger di wordo bandona y otro ruina mas. Mientras tanto covid a yega y esaki a yega na un punto cu e comerciante y artesano no por wante mas.

Comments

comments