DEN HAAG –Cas di Aruba recientemente tabata huesped pa e “follow-up” di proyecto “District297- Platform to Engage and Connect”. E tabata un anochi hopi productivo y yen di energia positivo. E dialogo, brainstorm y input di nos Arubianonan bibando na Hulanda tabata constructivo.
Minister Plenipotenciario Guillfred Besaril y Representante di Aruba na EU Eddy Paris tabata keynote speakers di e di dos edicion di District 297. Nan a dialoga na un manera dinamico y critico cu nos professionals tocante diferente punto di innovacion y crecemento economico pa pais Aruba manera entrepreneurship, obstaculonan di financiamento pa entrepreneurs, sostenibilidad di turismo y su diversificacion y e importancia di innovacion y educacion.
Na fin di mei ultimo – den presencia di Prome Minister di Aruba mr. Evelyn Wever-Croes – e proyecto District 297 a keda lansa oficialmente na Hulanda, cual evento tabata uno sumamente exitoso cu a wordo atende pa un grupo grandi di Arubanonan bibanda y studiando na Hulanda.
Potretnan ta cortesia di Cas di Aruba