E parti importante di baha prijs di awa y coriente, ta cu e por yuda. Pero, e focus principal mester ta ariba e presupuesto, finansas publico. Ben Marapin, director di Marapin Consultants, ta amplia.
Pa otro aña caba mester mustra caba con a reduci drastico e deficit. Con e impacto ta ariba e debe, den porcentahe di GDP. Esey ta loke pueblo kier wak. Otronan ta ‘gimmick’ cu no ta afecta den grandi e situacion crucial cu ta finansas publico.
Aruba tin suerte, cu a pesar di e problema di CITGO, toch e economia ta creciendo. Y esaki ta danki na turismo. Aruba mester focus ariba esey y traha duro ariba dje. Tin perspectivanan pa turismo crece mas. Aki mester focus nos atencion y wak otro caminda cu si bo por haya mas entrada adicional, segun Sr. Ben Marapin.
Si haya gas mes, esaki lo por tarda varios aña prome cu wak e resultadonan. Gobierno mester ta serio y honesto, pa bisa con grandi e chens ta, cu Aruba tin gas y azeta den nos awanan teritorial. Ta for di prome cu Status Aparte ta papiando di esey. Loke mester haci, ta di sea realistico, y prepara pa aki 3 pa 4 aña. No crea speransa falso y fofo, cerca pueblo. Y esey ta conta pa tur politico. Tur ta grita e mesun storia, y Hulanda ta boicotea Aruba, pasobra kier tin algo di bisa den henter e asunto aki, segun Sr. Ben Marapin, di Marapin Consultants.