WASHINGTON, D.C, Merca – Michael Flynn no ta sinti nada pa testigua den un comision di senado Mericano tocante supuesto interferencia Ruso den eleccionann presidencial Mericano. E red di noticia CNN a informa dialuna cu e ex- asesor di siguridad di Trump lo haci uzo di su derecho constitucional di no declara.
E comision di servicio di inteligencia di Senado a bisa cu lo dagvaar Flynn, despues cu anteriormente el a wordo pidi pa entrega tur su informacion over di su contactonan cu e Rusonan.
E ex- general, cu na Februari a word kita for di trabao despues di a gaña tocante combersacionnan cu e embahador Ruso, te cu aworaki ta nenga di duna su cooperacion.
Door di su funcion y su historia, e ta un di e testigonan mas importante den e caso aki, cu tin tur atencion tanto di FBI como di un hues Federal.
Fuente: www. anp.com