FLORIDA, Merca- Legisladonan di Florida diahuebs a aproba un ley, cu ainda mester pasa den Senado, cu ta prohibi e estado aki, di haci negoshi cu cualkier compania vincula cu e gobierno di Nicolas Maduro.
E ley 359 a ricibi e apoyo unanime di e Camara di Representantenan di Florida y esaki lo ta efectivo dia 1 di Juli 2018, si e wordo aproba pa Senado di Merca.
Gobernador di Florida, Rick Scott, un di e promotornan, a bisa cu e ta aproba e medida cu “Maduro ta dañando y oprimiendo famianan Venezolano y ami ta tabata totalmente cla den cu estado di Florida lo no duna su apoyo”.
E ley ta prohibi tur agencia estatal di “inverti den cualkier compania cu ta haci negoshi cu gobierno” di Maduro, segun e gobernacion den un comunicado.
E propuesta a wordo diseña originalmente na Juli ultimo pa Senador democrata José Javier Rodríguez. “Ta importante cu companianan cu nos estado ta haci negoshi ta responsabel pa e inversionnan cu ta wordo haci cu e placa di contribuyentenan”. Asina e Senador Rodríguez a bisa diahuebs den Congreso.