E actividad di siman pasa, di Florida-Caribbean Cruise Association (FCCA) tabata un exito y positivo pa Aruba pa cual aki Sr. Mario Arends ta splica mas ariba e tema aki.
Tabata tin hopi trabao, e ekipo di Aruba a pone hopi dedicacion, hopi pasion, hopi oranan y hopi sacrificio. Pero e conferencia tabata hopi exitoso. Tur e obhetivonan cu nan a pone nan dilanti, nan a logra nan. Y e comentarionan tanto di e participante, pero como tambe di FCCA, paso na final di dia, e tabata un conferencia di FCCA, tabata sumamente positivo. Dus nan ta hopi contento y satisfecho cu loke nan a pone dilanti pa nan huespednan ta un calidad cu nan tabata desea. E impacto aki ta sigur uno hopi importante y nan a logra esey.
E meta mas importante ta, pasobra hopi di e ehecutivonan tin hopi tempo sin bin Aruba. Y nan ta esunnan cu ta tuma e decisionann ariba e iterenarionan. Dus e tin un impacto hopi directo ariba bo industria. Y durante e ultimo añanan tabata tin varios desaroyo nobo. Y e obhetivo importante ta, pa mustra tur e cosnan nobo cu Aruba tin, no solamente cosnan nobo, pero cu ta relevante pa crucero. Tur e desaroyonan cu tin den centro di ciudad y como tambe den waf mes. Y nan partner principal , Aruba Ports Authority, tambe a haya oportunidad pa mustra nan masterplan, desde cu e waf di container a move bay Barcadera. Nan a mustra centro, tambe a mustranan luganan clave, manera e parke, e parti di San Nicolas, sigur tabata uno cu kier a mustra. Duna experencianan culinario, experencia cultura y e partinan di beach, y e tournan. Dus esey ta hopi importante. Di e parti eynan a zorg di duna un presentación impecabel. Tin e intercambio eynan, ya cu nan kier tende di parti di e ehecutivonan di crucero, kico tur nan por haci probecho di dje. Esaki ta un industria cu ta wak hopi dilanti. Ya caba itinerario pa 2019/2020 ta den planning. Dus ta wak hopi dilanti, y ta wak kico ainda por logra pa keda cu e competividad cu Aruba tin pa keda como e destino favorito den e parti Sur di Caribe.
Sr. Arends a sigui splica cu e parti di e industria ta cu e barconan cruceronan cada biaha ta bira mas grandi y e puerto y e destinonan mester ta prepara pa esey. Y si bo no ta prepara, lo bo perde tur e oportunidadnan aki. E aña aki, lo bay haci un mantencion den e puerto unda cruceronan ta drenta den haf di Oranjestad. Esey ta preparando pa ricibi e cruceronan mas grandi, manera Freedom Class na Mei 2018. Pero den e di dos fase tambe, prepara pa barcononan mas grandi cu ta carga mas di 5 mil pasahero. Den e sentido aki, e trabaonan ta sigui. Y conhuntamente cu destinonan manera Corsou y Boneiro, ta importante pa nan tambe ta eynan ya cu unda Aruba ta localisa, ta duna mas forsa ora cu nan sa cu no tin solamente Aruba como un bon destino, cu tambe nan pro bishita. Eynan ta importante, pa traha di cerca cu Corsou y Bonaire pa nan sigui probecha cu e industria ta ofreciendo y keda al dia na tur loke mester pa haci esey. No solamente puerto, pero tambe na infrastructura y tambe na e cantidad di tours. Y tur esey nos mester sigui desaroya na un manera positivo, segun Sr. Mario Arends.