MYRTLE BEACH, South Carolina — Florence, e horcan enorme cu diaranson a pone mas di 10 miyon di persona den peliger, segun cu e ta yegando cera di e dos Carolinanan y e incertidumbre riba su trayectorio a genera temor den un area grandi di e parti zuidoost di Merca.
Den e ultimo pronosticonan, horcan Florence ta mustra un leve cambio di direccion, pa cual awo e ta dirigiendo su mes directamente pa e planta nuclear Duke Energy Corp. di Brunswick, na e costa sur di North Carolina. AUnke e funcionarionan di e compania a bisa cu nan ta cla pa ricibi e fenomeno meteorologico aki, conocedonan di e industria no ta asina sigur.
E dos reactornan di Brunswick, ubica cerca di Southport, a wordo construi pa soporta bientonan di categoria 5 cu ta supera 156 miya pa hora. Nan ta ubica na 20 pia riba nivel di lama y cuater miya leu di costa, pa cual nan lo mester ta resistente na e pronosticonan di olanan di 13 pia cual ta e pronostico di Florence.