Diabierna, pa mas of menos 4’or y 14 di madruga, Central ta dirigi patruya na Hotel Roys na Savaneta, pa un caso di destruccion. Durante e warda di anochi, patruya ya caba a wordo manda pa atende e conocido Flint R. kende a comete destruccion.Na altura di Hui Ling Supermarket a bin topa cu Flint, kende a declara cu el a bay cumpra base na Hotel Roys. Flint a wordo atendi y cori di e sitio. Na Hotel Roys, e homber T. a declara cu Flint un rato prome a kibra algun shutter. T. ta desmenti di ta bende droga. T. a wordo mustra pa e bay na recherche pa duna keho contra Flint. Proces verbaal ta sigui. Central a wordo poni na altura di un ke otro.