Diadomingo marduga autoridad a keda informa cu pafo di Lekker bar na Noord tin un bringamento grandi tumando luga. Di biaha varios unidad a presenta pero e agresornan a bandona e sitio y polis a bay tras di un nissan sentra. A para e vehiculo altura di e citgo na Palm Beach y a topa cu un homber tur na sanger acompaña cu dos amigo mas.
Polis a solicita ambulance cu urgencia pero debi tur e tres personanan den e auto ta bou influencia nan a topa cu un amistad cu a bin busca esun herida y a keda transporta pa hospital supuestamente. Pero durante listramento di flex team den e auto a haya un tipo di arma cu no ta permiti pa tin y a tuma esaki den beslag y detene e chauffeur pa tin e arma blanco aki den su poder.