Dialuna den careda di 12:10 marduga autoridad ta keda informa pa presenta na e cas cuido SABA situa na Palisiweg unda un persona a fayece y dokter kier presencia di polis. Na yegada di e patruya di San Nicolas nan ta compronde for di e verpleegkundig cu den careda di 11:20 anochi durante cambio di warda a bay controla un cliente yama C.C. Schonherr pa yude pone bek riba su cama. Pero durante cu nan tabata yuda e persona a tuma nota cu su pia ta birando biña y su curpa ta frieu. Di biaha e personal di SABA a yama e dokter na warda pa presenta, y dokter banda di 11:50 anochi a constata morto di e homber C.C Schonherr naci na Aruba 25 Oktober 1965. Segun e dokter Geerman Tromp e morto ta dude y a pone cu el a solicita polis. Fiscal di Ministerio Publico tambe a presenta pa asina mira e situacion y a laga tuma e curpa den beslag y a keda busca pa auto funeral. Paz na su restonan.