DEN HAAG, Hulanda- E fiscal general di Venezuela, Luisa Ortega Diaz diahuebs a presenta un denuncia den e Corte Penal Internacional na Den Haag contra di Nicolas Maduro Moros, presidente di Venezuela, Vladimir Padrino Lopez, Néstor Reverol, Gustavo Gonzalez López y contra Antonio Benavides Torres, hefe di Distrito Capital pa ta involucra den crimenann di lesa humanidad, segun statuutnan di Roma.
“Nan a comete crimennan di asesinato, tortura, sera hende, como tambe atakenan sistematico y generalisa contra di e poblacion civil. Den mi condicion di fiscal general mi ta cede tur e recursonan cu e Ministerio Publico tin na su disposicion, mas di mil elemento di evidencia, entro nan experticionan, reconocimento medico legal, inspeccionnan tecnico y entrevista”, segun e fiscal ariba un video cu el a publica ariba Twitter.
El a resalta cu e ta wak e necesidad di hiba e denuncia den e organismo internacional ya cu na Venezuela no ta posibel sanciona e responsabelnan di tal crimen, ya cu no tin husticia.
“Nos ta pidi pa un orden di aresto contra di Nicolas Maduro y demas personanan cu nos a denuncia awe, y cu a compaña Maduro den e ehecucion di e crimennan aki.
Fuente: http://www.ntn24.com/