Sra Fiscal Pronk di Ministerio Publico durante coferencia di prensa diamars anochi a toca varios tema y a informa te cu diamars den dia un total di 235 persona a keda deteni y a haya un multa pa no cumpli cu e TDQ y ningun persona te ainda no a keda deteni y haya un multa pa no cumpli cu e shelter in place. Pa Sra Pronk ta spera cu esaki tambe keda asina. Di e 235 persona cu a keda deteni y haya un multa 3 di nan solamente a paga e multa por completo, 10 persona di e 235 a pidi y a haya un areglo di pago.
Sra Pronk a menciona e personanan cu no cumpli y no paga nan boet, cu ora polis hayabo riba caya durante e TDQ of e shelter in place nan ta parabo y si bo no tin un motibo valido pa ta riba caya nan ta detenebo y ta pasabo pa miembronan di cea y eynan cea ta transportabo pa un warda di Polis y na warda di Polis un fiscal auxiliar ta papia cubo y despues di esaki bo ta keda cera den un cel na un di e warda di Polisnan aki. Pa 8 or di mainta e manera di traha di polis a cambia y esei e fiscal mayor a trece padilanti y pa 8 or di mainta recherche ta tuma declaracion di e persona y despues e fiscal cu tin warda ta stipula un multa pa e persona aki. Eynan e persona ta haya chens pa paga e multa aki di biaha na warda di Polis pasobra na tur warda di Polis tin un mashin di banco matico y eynan bo ta keda laga liber.
Si ta bon tur e pesonanan cu a bay liber y no a paga e multa ainda ta haya un flyer di ministerio publico. Si pa cualkier motibo bo no a haya e flyer aki por haya esaki riba e facebook page di Ministerio Publico y riba e flyer ta wordo splica ampliamente con pa paga e multa aki online, si pa un of otro motibo e pagamento online no a logra y si tin preguntanan, con pa bin na remarke na areglo di pago por yama 5214100 entre 9or pa 11or mainta of mail [email protected] Tur persona cu no a logra di haci e pago di biaha lo haya 2 siman pa paga esaki y ta pidi un areglo di pago, si despues di e dos siman e persona ainda no a paga e multa aki y a pidi un areglo di pago e ora automaticamente e persona ta wordo gedagvaar esei ta nifica cu bo ta haya un citacion pa e caso wordo trata riba un fecha stipula na corte. Y nos ta den combersacion cu corte di husticia pa stipula cierto fechanan den caonan di TQD por wordo trata.
Normalmente ora bo caso bay dilanti na hues automaticamente ora fiscal haya cu tin suficiente prueba e fiscal ta pidi hues pa impone un multa mas halto cu e suma cu a keda impone door di e fiscal cu tabata na warda e momento cu e persona a keda deteni. E multa ta subi si hues ta di acuerdo cu fiscal impone e multa mas halto tambe si e persona no ta di acuerdo cu e desicion di hues e tin 14 dia pa apela y si no haci esaki e sentencia desicion di hues ta bira definitivo y despues di esaki ainda e multa no a keda paga door di e persona, no ta resta nada ora pa ministerio publico laga CEA busca e persona cu no a paga e multa na nan cas y hibanan prizon KIA pa nan keda sinta na e dianan cu ta coresponde na e multa. Si hues a impone un multa di 1000 florin y e persona no paga e multa aki e tin cu sinta 20 dia den KIA.