• Latest

Fiscal a baha pisa riba grupo cu a prepara pa haci atraco arma riba un oficina di number den Playa

20 February, 2023

Kico ta e benificionan cu SKOA ta ofrece?

21 March, 2023

Aruba Timeshare Association a comparti informacion y orientacion cu studiantenan di EPB riba industria hotelero

21 March, 2023

Hulanda y Aruba ta organisa conferencia tocante clima na Aruba

21 March, 2023
 

En conexion cu dia di Himno y Bandera, minister Endy Croes a bishita plaza status aparte

20 March, 2023

Premio Meneer Ovito Tromp 2023 a keda otorga na sra. Margarita Roza-Christiaans

20 March, 2023

Resultado di sorteo di number anochi 20 di maart 2023

20 March, 2023

Candela grandi di mondi na Papilon a menasa varios cas

20 March, 2023

M21 y Demokrat ta firma acuerdo di cooperacion

20 March, 2023

Hendrik Tevreden (MEP): Ni AVP, ni De Meza kier scapa Briesen, OM a desconseha Gabinete Eman-II pa sigui cu e caso

20 March, 2023

Pronostico di tempo valido te diamars 21 di maart 2023

20 March, 2023
  • About Us
  • Contact Us
Tuesday, March 21, 2023
  • Login
Tur Caminda, Tur Moment. Masnoticia
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
Tur Caminda, Tur Moment. Masnoticia
No Result
View All Result
Home Corte

Fiscal a baha pisa riba grupo cu a prepara pa haci atraco arma riba un oficina di number den Playa

20 February, 2023
in Corte
0 0
0
Share on FacebookShare on Twitter

Diabiernamainta te den oranan di merdia, den sala di Corte di Husticia, a trata e caso penal cu Ministerio Publico a cuminsa contra un grupo di 5 homber, kendenan ta wordo acusa di a planea pa haci un atraco arma riba un oficina di number den Playa riba 29 Juli 2022.

MAS NOTICIA por a compronde cu Hues Comisario a autoriza pa usa aparatonan special pa scucha combersacionnan den auto di e sospechosonan. Asina a haya sa di tur movecion y tabata prepara pa si e atraco tuma lugar.

Ta trata di e hombernan C.G.H.(52) di Aruba, M.H.(38) di Aruba, J.I.(57) di Curacao, J.T.(27) di Curacao y G.M.(42) di Curacao biba na Aruba. Tambe ta acusa nan di posecion di arma di candela. Tambe Fiscal a acusa e homber G.M. di a purba horta placa for di cahero di casino. E atraco aki tabata planea pa sosode net e periodo cu tabatin e premio di 2 miyon florin di Lotto pa Deporte. E periodo Tin potret di oficina di number Lucky Numbers cu nan kier a hit. G.M. intento ladronicia na casino. E hit lo tabata relaciona cu e premio grandi di lotto di mas o menos 2 miyon. Hopi bendemento di loteria.

APARATO SCUCHA COMBERSACION DEN AUTO

Hues a mustra cu 8 Juli 2022, Polis a haya tip cu J. y G.M. ta planeando un asalto hunto cu otronan. Ariba orden di Fiscal y permiso di Hues Comisario a dicidi di tap cellularnan. Polis sa cu esnan envolvi ta papia cu codenan. Door di esey, a pidi Fiscal permiso pa pone aparato na auto di J. y G.M. pa haya mas informacion y unda e autonan ta. Fiscal a duna permiso y tambe duna orden pa observa.

A base di esaki, Polis dia 15 Juli banda di 6.45 di anochi a mira e auto di G.M. ta bay cas di C.G.H. na Paradera. Nan dos a bay den auto di G.M. E auto aki a keda staciona riba parkinglot di Aruba Bank pa mey ora. Polis ta sospecha cu G.M. a pidi C.G.H. pa planea un atraco. Hues Comisario a duna permiso pa pone aparato pa scucha combersacion den auto. Asina a bin haya sa cu dos Curasoleño y M.H. ta envolvi. Dia 27 Juli 2022 a scucha combersacion entre G.M. y un persona di Curacao caminda a bisa cu mester paga pa nan bin. Dia 27 Juli J.T. a yega for di Curacao y despues J.I. Tur esaki Polis a wak riba camera di aeropuerto.

Hues a mustra cu durante interogacion di Recherche, C.G.H. a bisa cu nan tabatin plaea un atraco riba Lucky Numbers den Playa. Recherche a confronta C.G.H. cu e combersacionnan cu e tabatin den auto caminda el a papia cu dos persona mester a coy un tas for di un auto y core bay. J.T. lo mester a coy e tas y M.H. mester a bay hiba J.T. Segun C.G.H., dia 28 Juli 2022 a planea e atraco hunto cu J.T. Hues a bisa cu investigacion a mustra cu otronan tambe tabata presente. Ta asina cu lo mester a ataca un homber di edad cu lo tin e tas di placa di e oficina di number. Ora e homber pone e tas den auto, J.T. lo mester a coy e tas y core bay. C.G.H. a duna J.T. un tas den cual tabatin un arma den candela. Segun J.T., el a laga e arma bou cusinchi den e apartamento, pasobra e no tabata kier a haci e atraco.

A CANCELA ATRACO

Hues a bisa cu J.T. y J.I. a wordo acerca na Curacao pa bin haci algo na Aruba. For declaracionnan por a compronde cu ta un persona sera den prison na Curacao a acerca nan pa bay Aruba. E persona aki lo ta forma parti di un grupo hopi poderoso. Ta asina cu M.H. a bay mustra nan e lugar unda e atraco mester sosode. E plan tabata cu J.T. y J.I. lo bay haci e atraco y core bay cu un scooter. Nan lo mester bay na veld di Cricket caminda M.H. ta warda nan pa hiba nan den auto y laga e scooter atras.

Pa un of otro motibo e atraco no a sigui. Hues a mustra cu a scucha C.G.H. tabata papia den auto cu mester busca un coy tira. El a bisa cu mester un mas. El a bisa cu e homber a bende e cos pa 3200 florin. E ta caro pero mester di dje. C.G.H. lo a bisa cu for di e placa cu haya di e atraco, ta kita tur e gastonan cu el a haci y despues ta parti e placa. E palabracion ta cu e dos di Curacao lo haya mitar di e placa y e otro mitar lo parti den tres. Polis a scucha cu J.I. ta bisa cu lo tin un Van blanco para den e parkinglot dilanti e oficina di number y esaki ta sospechoso. Despues a mira un bus preto ta blo pasa ey banda. C.G.H., cu tabata para den e parkinglot banda di Corte, a bay check. Na dado momento J.T., cu tabata sinta riba un banki, a lanta bay. E atraco no a sigui. C.G.H. a bisa cu dilanti su cas lo tin un dama cu tin 30 mil dollar na un pomp di gasoline y cu lo bay pa haci e atraco ey. E atraco ey tampoco a keda realisa.

Hues a puntra C.G.H. con el a drenta den contacto cu J.T. y J.I. Ta asina cu tur tres a bisa cu nan ta haci uso di nan derecho di silencio. Durante interogacion di Hues, J.T. y J.I. a bisa cu for di Curacao nan a planea caba cu nan lo no bin haci nada na Aruba. Nan a probecha di e oferta di haya estadia.

Hues a mustra cu durante investigacion na cas di G.M. a haya 46 paki di marihuana. E auto di C.M. a keda confisca. A confisca e auto di M.H. Tabatin dicusion riba arma di candela. C.G.H. ta para riba cu no ta arma di candela sino un Taser. Hues a remarca cu e no ta kere cu un Taser ta costa 3200 florin. C.G.H. a bisa Hues cu el a gaña cu el a cumpra cos pa 3200 florin y a cumpra ticket pa J.T. y J.I. pa asina ora tin cu parti placa, e lo haya mas placa.

PURBA HORTA CASINO

Hues a mustra cu G.M. lo a purba coy placa for di cahera den casino riba 9 Juli 2022. Un persona di seguridad a mira con G.M. a dobla over di toonbank di cahera y coy 7 paki di 20 dollar. E ora ey e seguridad a grit’e y G.M. a pone bek. Cada paki ta mas cu 3 mil dollar.

VARIOS ACUSADO TA CONOCI PA POLIS

Hues a mustra cu varios di e acusadonan tin carchi di castigo. El a mustra cu M.H. na 2018 a wordo condena na 4 aña di prison pa atraco y na 2020 a wordo condena pa arma. C.G.H. na 2015 a wordo condena na 9 aña di prison pa atraco y na 2020 condena pa arma. J.T. na Curacao a wordo condena pa arma di candela na 2021 y a awor ta sera den su tempo di prueba. G.M. tin carchi castigo cu varios condena pa ladronicia y tambe caso di agresividad. Na 2015 el a wordo condena na 4 aña y 6 luna di prison pa atraco.

FISCAL A BAHA PISA

Fiscal a bisa cu e caso aki ta diferente cu otro casonan di atraco. Aki Polis a haya tip cu lo tabatin planea pa haci un atraco. Danki na tap esaki a keda na plan so. Sinembargo esey no kiermen cu no ta haya castigo. E ta haya cu mester duna castigo pisa. El a mustra cu dos Curasoleño J.T. y J.I. a viaha di Curacao bin Aruba pa haci e atraco. A scucha combersacionnan for den auto cu aparato special cu a pone na e autonan di C.G.H. y M.H. Fiscal ta haya cu aki por papia di preparacion pa haci atraco. Nan tabatin un arma di candela, dos auto, un scooter, paña y plan con lo mester huy bay for di e lugar ora di caba atraca e homber cu tin e tas di placa. Na opinion di Fiscal, tur tabata cla pa haci e atraco y solamente tabata falta pa J.T. coy e tas di placa. Fiscal a conclui cu e ta persigui e grupo pa preparacion di un atraco. El a mustra cu J.T. y J.I. a hala atras na momento di haci e atraco. Esey no ta valido pa e resto di e grupo. Fiscal a mustra cu segun J.T., ora el a mira e homber di edad sali cu e tas, el a dicidi di stop pasobra tabatin varios hende ey banda. Den Corte, J.T. ta bisa cu no tabatin hopi hende. E pregunta ta, kico mester kere di loke J.T. a bisa. Fiscal a bisa cu e no ta kere J.T. J.I. a bisa cu nan a dicidi di no haci e atraco mas. Fiscal no ta haya cu aki por bisa cu di nan mes J.T. y J.I. a dicidi di hala atras. E ta haya cu e preparacion pa cu e atraco ta keda valido pasobra esey a tuma lugar. No a haya arma serca nan pero esey no kiermen cu no tabatin un arma di candela. Tin declaracionnan cu ta mustra cu tabatin un arma di candela. Fiscal a bisa cu e no ta kere cu lo tabatin un Taser. El a mustra cu un di e sospechosonan a mira un arma color di nikkel.

Fiscal a mustra cu G.M. kier a horta un paki di dollar tras di un cachera.

Fiscal a señala cu varios di nan tin condena caba pa atraco y tambe posecion di arma. E auto di G.M. lo mester keda confisca mescos pa M.H. Na opinion di Fiscal, ambos auto a wordo usa pa e preparacion. E auto di C.G.H. ta wordo menciona pero no tin prueba cu a wordo usa. Pesey e auto ta wordo debolbe.

Fiscal ta haya cu mester manda señal bon cla cu no ta tolera atraco. El a exigi pa J.I. 2 aña y 9 luna di prison. Pa J.T., G.M. y M.H, el a exigi 3 aña y 4 luna di prison. Fiscal ta considera C.G.H. e cabezante tras di e plan y a exigi 4 aña di prison.

Awor Hues ta bay studia e caso, despues di a scucha e abogadonan pa dentro di algun siman dicta sentencia.

Previous Post

Chauffeur a perde control y a dal y kibra un pal’i luz completo na Santa Cruz

Next Post

Pronostico di tempo valido te diamars 21 di februari 2023

Related Posts

Corte

Den caso penal no por a saca afor kende a hinca victima diferente biaha cu cuhiu

20 March, 2023
Corte

3 aña di prison exigi pa homber envolvi den copiamento di credit cards

17 March, 2023
Corte

Hof a declara Booshi Wever su protesta contra Ministerio Publico no admisibel

16 March, 2023
Corte

Dama cu problema mental cu a maltrata su mama di crianza hayando tratamento na Colombia

16 March, 2023
Corte

Cinco aña di prison exigi pa trio gara cu 348 kilo di cocaina

12 March, 2023
Corte

Castigo pisa pa grupo cu a planea asalto arma riba oficina number den Playa

10 March, 2023
Next Post

Pronostico di tempo valido te diamars 21 di februari 2023

Radio Mas 105.1 Fm

[player id='305986']
 
 
 
  • About Us
  • Contact Us

© 2021 Copyright Masnoticia | Design & Hosted by r2motion by Renzo M

No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario

© 2021 Copyright Masnoticia | Design & Hosted by r2motion by Renzo M

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist