MANILA, Filipinas – E ex presidente di Filipinas, Ferdinand Marcos a wordo dera diabierna den e santana di e Heroenan Nacional na Metro Manila.
E sorpesiva decision pa duna e exdictador un entiero como heroe a provoca protestanan di e opositornan cu a lansa un desafio hudicial pa detene e entiero.
E yiu muhe di Marcos, Imee Marcos, a publica un video online di e caha di morto yegando den un helicopter.
Imagennan getweet pa CNN Filipinas a mustra un liña di polis cu escudonan antidisturbio pafo di e portanan di e santana. 21 tiro a wordo scucha ora cu e ritonan funerario a tuma luga.
Medionan di comunicacion no a wordo permiti pa presencia e ceremonia, CNN Filipinas a informa.
Imee Marcos a ofrece un declaracion den nomber di e famia, gradiciendo e presidente Rodrigo Duterte y e Tribunal Supremo di a dictamina cu e entiero tabata legal.
Historia di un exdictador
Tras di goberna Filipinas cu un man di hero, Marcos a huy di e pais despues di e revolucino na 1986, despues di su dictadura. Hopi Filipino hoben no tin (of tin poco) conocemento riba Marcos y e ley marcial y den e ultimo añanan nan a mira su famia bin bek den e areana politico.
Marcos a muri den exilio na Hawaii, dia 28 di September 1989.
Ferdinand “Bongbong” Marcos Jr., a perde eleccion di e vicepresidencia di Filipinas, pa solamente un 0.64%. Su yiu muhe, Imee Marcos, ta gobernador di Llocos Norte.
E viuda di e exdictador, Imelda Marcos, a wordo reeligi cuater biaha den e Camara di Representante, apesar di e controversianan riba e sumanan grandi di placa cu e y su casa a saca for di e pais.
Na Februari, e gobierno a aproba e benta di e coleccion di hoyas di Marcos pa 21 miyon di dollar.
75 mil persona a aplica pa reparacion pa “violacionnan di derechonan humano flagrante” cometi pa e regimen di Marcos durante su ley marcial desde 1972 te cu 1981.
Fuente: CNN en Español