E wega final di volleyball den e categoria di Youth Klasse a bay entre e mucha muhenan di GAZELLES (SV Amstel) lidera pa COACH Junny Jones y SV Volvox lidera pa e coachnan Junny Figaroa y Celio Statie. Despues cu e weganan a tabla 1 – 1, diadomingo atardi den Centro Deportivo Betico Croes e Team di Gazelles a vence SV Volvox cu e score di 2-0 pa asina titula CAMPEON di Youth Klasse pa 2019. Presidente di Aruba Volleyball Association Sra. Filomena Daniel-Curiel y Lider di Campeonato Sra. Medelin Sapuana a haci entrega di e Trofeo y Medayanan na e respectivo Teamnan Campeon y Sub-Campeon esta GAZELLES y SV VOLVOX.