Diasabra 22 di April, Dia di Mama Tera lo ta e clausura di e torneo Easter Lionfish Hunt 2017. Un torneo cu a cuminsa for di diasabra 8 di April y a sigui te cu diasabra awor 22 di April pa 1:00 pm.Tin caba 7 team inscribi cu ta participando y ainda tin oportunidad pa otro team inscribi y participa. E posibilidad ta grandi cu ainda e team nan por cay den premio.
Manera ya ta conoci caba ta pagando awg 13.00 pa kilo di Lionfish. Diasabra lo sigui cu pisamento, midimento, entrega y pago di Lionfish invasivo: Tur Lionfish gara lo mester keda entrega pa e evento di e cookout pa asina tur hende purba Lionfish etc. Lo bay tin premio otorga pa total peso, como tambe pa di pisca registra. Tambe lo tin premio pa mayor ehemplar, Lionfish mas grandi (largura total). Esta di nanishi te final di rabo. Tambe pa menor ehemplar, e Lionfish di mas chikito. (largura) Total length. Lo bay tin diferente Trofeo pa e torneo di Easter Lionfish Hunt:
1. Un Trofeo: Promer luga mas kilo di Lionfish
2. Un Trofeo: Segundo luga mas kilo di Lionfish
3. Un Trofeo: Tercer luga mas kilo di Lionfish
1. Un trofeo pa e prome luga mas cantidad di Lionfish gara
2. Un trofeo pa e dos luga mas cantidad di Lionfish gara
3. Un trofeo pa e tercer luga pa mas cantidad di Lionfish gara
Un trofeo pa e Lionfish di mas grandi
Un trofeo pa e Lionfish di mas chiquito
E cazadornan di Lionfish tin cu trece Lionfish diasabra no mas tarda cu 1:00 pm di atardi. Esey ta e ultimo ora pa trece Lionfish aden. For di 12:00 di merdia publico por pasa purba Lionfish. Lo bay tin Lionfish hasa, Lionfish wings y Ceviche di Lionfish. E bar di Nos Clubhuis lo ta bon surti manera custumber.