BUENOS AIRES, Argentina – Autoridadnan di Buenos Aires a dicidi di cera e Estadio Monumental despues di e incidentenan di diasabra prome cu e final di Copa Libertador di America, pa cual e lo no por habri den e proximo 48 ora, segun medionan local.
Ta trata di un “ clausura administrativo” y cu e Agencia Gubernamental di Control cu ta esun cu ta tuma e decision di lanta e sancion, of no, durante e proximo 24 horanan.
Inicialmente e Confederacion Suramericano di Futbol (Conmebol) a dicidi di posterga te 18:00 (hora local) pero despues, a verschuif esaki pa 19:15. Sin embargo, Boca Juniors a insisti di cu no ta existi garantia pa e partido wordo realisa.
“E dos ekiponan a dicidi di no hunga, tabata un gesto di cabayero. Sentido comun a prevalece”.
ENFRENTAMENTO
Tabata tin fuerte enfrentamentoann riba e Av. Libertador y Monroe, cerca di e estado Monumental, entre polis y fanaticada di River cu a lansa piedra riba e polisnan y esakinan a responde cu balanan di rubber y gas lacrimogeno. Tabata tin enfrentamentonan entre forsanan di siguridad y fanaticonan paden di e stadion.