Fin di October Fast Ferry entre Venezuela y Aruba lo cuminsa opera

Na e momento aki e representantenan di e proyecto di ferry entre Venezuela y Aruba ta den su preparacion pa cuminsa fin di October. Aki nos a logra papia cu e capitan di e barco, Pedro Jimenez di e compania naviera Paraguana kende a splica mas di e proyecto su meta.
E ta conta cu ya e bon noticia ta cu desde fin di October, entre 20 y 25 di Octuber, por cuminsa cu e operacionnan, den un prome fase Guaranao-Aruba-Guaranao. Un di dos fase Guaranao-Aruba-Aruba-Corsou-Corsou-Aruba-Guaranao. Dependiendo e comercialisacion y e movimento di carga y pasahero cu lo bay ta aporta tanto na Venezuela, Aruba y Corsou, por mira e posibilidadnan di scoge e di tres pia cu lo ta Boneiro. E ferry ya ta den operacion entre e islanan di Azores. Ta den formacion di tripulacion. E yegada na Venezuela ta programa pa fin di September y e tramite di nacionalisacion ta aproximadamente entre 15 pa 20 dia y pa fin di October por start sali cu e operacion den e prome fase cu ta Aruba-Guaranao Guaranao-Aruba.
E puerto di explotacion comercial pa e otro islanan manera Corsou y Boneiro, lo bay ta Aruba.
Ta importante pa no haya e expectativa. E prome fase ta Aruba, di dos fase ta Corsou y di tres fase dependiendo di e explotacion conhunto di ambos isla, ta Boneiro.
Awendia ta bastante positivo e demanda. Vooral den e hornada aki, ya cu e ferry por mir’e como un brug cu ta bay ta diario. Solamente lo bay want’e riba dialuna pa e mantenimento preventivo di e ferry. Lo atractivo, tanto pa e exportadornan di Caribe, como pa e importadornan, ya cu e frecuencia cu e diferencia di e vianan maritimo den Caribe, ta cu e frecuencia lo bay ta diario. E lo bay ta un salida mainta y regreso atardi. E prijsnan lo bay ta hopi competitivo, tanto riba nivel di pasashi como nivel di carga.
Esaki lo bay ta un ferry tipo B. E ta traha di hero, specialmente pa soporta e awanan di Caribe. E tin un capacidad di 600 pasahero, 120 auto, seis container di carga y un espacio di carga di 250 pallet.
Den e fase inicial lo bay traha cu pasashi y carga. E parti vehicular lo bay ta exclusivo pa e uzo di e estadonan di Venezuela y di Aruba. Te cu pone di acuerdo den e maneho di e parti vehicular, segun Jimenez.

Comments

comments